Galbaia-Hiria eta Konfliktu Soziala (2018-12-10)

Posted on Updated on

Gaurko Galbaiaren begirada Hiria eta berari berezko jakon konfliktuarengan ipiniko dogu fokua.

Piztu Bilbo Amatatu MTV mugimenduaren testu batetik hasita, hainbat gai jorratuko doguz.

Hasteko, David Harveyk landutako Derecho a la ciudad lanaren bitartez Hiriari buruzko eskubidea zer den definitzen saiatuko gara.

Jarraian Manuel Delgadoren Ciudadanía Política y Espacio Públicori esker kultura eta jarrera ciudadanistei so egingo diegu.

Luis de la Cruz-en Barrionalismo lanetik ateratako testu zati batzuk irakurriko doguz hiriaren sozialitate prozesuen merkantilizazioa salatzeko.

Turismo y militarización del espacio publico. Tendencias actuales en la gestión de espacios públicos Noelia Ávila Delgadoren testua jarraituz, zelan hiria zipaioek hartuta dagoenaren analisia ikusiko dogu.

Amaitzeko, Rodrigo Fernández Mirandaren Viajar perdiendo el sur: turismo desarrollo y globalización solasaldiaren zati bat entzungo dogu, turismoaren ondorioak ezagutzeko.

On egin

Deskargatzeko klik hemen

Advertisements

Galbaia-DDT Banaketak (2018-11-25)

Posted on Updated on

Ongi etorri Galbaia saioaren lehenengo emanaldira.
Lehenengo saio honetan Bilboko Marzana Kaiara bidai bat egingo dogu, berton aritzen dan Txapugaz, hurrengo urtean 30 urte beteko dauzen DDT Banaketak distri alternatiboa sakonean ezagutzeko asmoarekin.
DDT Banaketak, autogestio eta elkarlaguntza sarea eraikitzeko esparrua.

Deskargatzeko klik hemen

audio HOKA HEY! – Nor kolektibo antiespezista (2018-11-18)

Posted on Updated on

NOR KOLEKTIBO ANTIESPEZISTA gonbidatu dogu Hoka Hey! honetara. Espezie desberdinetako norbanakoak diskrimanatzen duen sistema da espezismoa, gure kasuan, gizakiak gizakiak ez diren animalien arteko harremana dominazioan oinarritzen da, gizakiak ez diren beste izakien interesak gure interesen azpitik jarri, eta gure zerbitzuetara jarrita.

Azkar ugaltzeko fabrikak sortzen ditugu, gure zerbitzura lan egitera behartzen ditugu, eta ez bakarrik gure beharrizan basikoak asetzeko helburuarekin, baizik eta gure aisialdi eta entretenimenduaren izenean ere bai. Azkenerako, baliabide gisa akatu eta kontsumitu egiten ditugu.

NOR kolektiboak, alde batetik, espezismoa salatu eta hausnarketa eta pedagogia bultzatu gura dau, mugimendu antiespezista ezagutzera emon eta jendea euren borrokara lotzeko asmoz. Beste alde batetik, kolektibo animalisten arteko saretzea bilatzen dabe. Eta ez hori bakarrik, borroka hau gainontzeko gatazka sozailen artean kokatzen dabe, transbertsalitatearen garrantzia azpimarratuz.

Elkarrizketan hori guztia kontatuko digu Maialen Sagues Nor Kolektiboko kideak, baita orain arte egindako lanak ere bai, azaroaren 1ean burutu zuten manifestazioa edo bideo formatuan publikatu duten HILTEGIAK ikerketa erreportaia, adibidez.

Deskargatzeko egin klik hemen.


Hoka Hey! – Mukuru: Musika Kolektiboki Kolektiboan (2018-11-04)

Posted on Updated on

Mukuru kolektiboa ezagutuko dugu Hoka Hey honetan: Musikaren inguruko sortzaile desberdinek osatutako kolektiboa, bakarlari zein taldeek osatutakoa, Gipuzkoa, Nafarroa eta Ipar Euskal Herriko herri desberdinetakoak.

Pasa den Urriaren 13an Oreretan aurkezpen jaia egin zuten. Mahainguru batekin hasi zen egitaraua, Oreretako Mikelazulo espazioan, “Musika, zergatik kolektiboki kolektiboan” izenburupean. Gaurko saioan, elkarrizketa formatua egun batez aparkatu, eta mahainguru horretako estrakto batzuk entzungo doguz.

Arte eta kulturaren sorkuntza eta transmisioaren inguruko monografiko bat proposatzen dotzuet beraz, sortzaileek beraiek lehen pertsonan kontatuko dizkigute zer beharrizan dauzkaten eta zer bide jorratu dabez horreik asetzeko.

Monografikoa osatzeko eta ohikoa dan moduan, testu baten irakurketa be eukiko dogu. Oraingoan Karlos Andionek idatzitako “Kontrakultura: Iraultzaren erditze gela hala urka” izan da, artikulu mamitsuaren bere azken ataltxoa, “Oihu! Iruñerriko musika askea” publikaziotik hartua, non beste artikulo eta elkarrizketa oso interesanteak bebai topatuko dozuezen.

Deskargatzeko egin klik hemen.

Hoka Hey! – Hego Uribeko Urriko Martxa (2018-10-21)

Posted on Updated on

Gaurko Hoka Hey saioan HEGO URIBEKO URRIKO MARTXA jorratuko dogu, Galdakaoko Gazte Asanbladako bi kiderekin egindako elkarrizketa baten bitartez.

Bizkaiko Hego Uribe eskualdeko Gazte Asanbladek elkarlanean garatutako dinamika da Urriko Martxa hau, datorren asteburuan, urriaren 26, 27 eta 28an, Zeberio, Arrankudiaga, Ugao eta Arrigorriaga zeharkatuko dauena. Egitarau oparoa proposatzen dabe egun hauetarako, eta elkarlan honen bitartez, asanbladen arteko saretze sendoa da bilatzen dan helburua.

Ekitaldi itinerante hau aitzaki hartuta, gure herriko gazteriaren egoera prekarizatuak eta Gazte Asanbladen ekarpenen inguruan hitzegin genuen ere bai, eta kolektibo sozialen eta subjetu iraultzaileen arteko saretzearen beharraz ere bai, honelako ekintzen bitartez garatzen dana.

Horretaz gain, irratsaioan artikulu honen irakurketa egiten dugu: INGURU ASANBLEARIOAREN DIAGNOSTIKO LABURRA (link)

Deskargatzeko egin klik hemen.

Hoka Hey! – 11 Botxo Eguna Piztu Bilbo, Itzali MTV (2018-10-07)

Posted on

Gentrifikazioa eta Turistifikazioa aipatzen ditugunean, hiri eredu merkantilista eta baztertzaile baten inposaketaz ari gara. Honekin oso lotuta, makroebentoen izurrite bat bizi dugu, gainera. Auzotarron bizkarrera egindako ekintza eta ekitaldiak, langileok prekarietatera behartzen gaituelarik, eta bien bitartean etekin ekonomikoen akumulazio lotsagarri bat eraginez ebento hauen antolatzaile eta ugazabei.

Hau guztia ikusarazteko, hausnarketa bultzatzeko, erantzuna koordinatzeko eta azken finean beste eredu sozialago baten alde egiteko, Bilbon kolektibo berri bat jaio da: Piztu Bilbo Itzali MTV

Kolektibo honen nondik norakoak ezagutu ditugu, eta datorren astean ospatuko dan 11 botxo eguna ere zertan datzan kontatu digute elkarrizketetan. Herritarrek beraiek sortutako ekitaldi atsegin eta jatorra antolatu dabe datorren asterako Ripa Kaian, datorren zapatuan urriak 13, goizeko 12etatik eta egun osoan zehar, 11 Botxo Eguna!

Hauxe da Hoka Hey irratsaio berri honek, lehen atal honetan dakarrena. Aurrera!

Deskargatzeko egin klik hemen.

2018-03-18 Barazki Bizidunak Siriaren Alde Euskal Herriko Plataforma

Posted on

Azken Barazki Bizidunak saioan Siriaren Alde Euskal Herriko Plataforma kolektiboarekin hitzegiteko aukera izan genuen, herrialde honetan gertatzen ari den gerra egoera ezagutzera emateko eta kolektibo honen ekintzak zabaltzeko.

Hainbat gai jorratu genituen saioan zehar, alde batetik, kolektiboaren nondik norakoak. Nor diren, plataforma honen helburuak, garatu izan dituzten ekintzak eta proposatzen dituzten deialdiak… Beste alde batetik Siriako gerra egoeran sakondu eta kontestua osatu dugu, herrialdea ezagutu, gerra honetan parte hartzen duten eragileak eta ze interes gurutzatzen diren azalduz, gerraren bilakaera, egungo egoera, azken erasoak… Honez gain, okzidenten ditugun hedabideen paperaz ere aritu gara. Siria eta Kurdistanen bizi den gerra honen korapilo batzuk askatzen saiatu gara gaurko irratsaioan, eta lan horretan diarduen kolektibo bat ezagutu.

Siriaren Alde plataformaren inguruan gehiago jakin nahi ezkero,  weborria edo sare sozialak [1] eta [2] bisitatu ditzakezue, eta harremanetan jarri nahi bazarete, emailera idatzi ahal diezue: siriarenalde@gmail.com

Deskargatzeko egin klik hemen.

2018-02-25 Barazki Bizidunak: M8 Greba Feminista

Posted on Updated on

Azken Barazki Bizidunak irratsaioan, datorren Martxoak 8rako deitua dagoen Emakumeen Grebari buruz hitzegiteko tartea hartu genuen, eta honetarako, Leire Groven Feministaldeko kidea izan genuen telefonoaren bestaldean.

Grebaren zergatiak, arrazoiak eta helburuak, azaldu zituen Leirek, eta baita borroka jardunaldi garrantzitsu horren aurretik emandako prestaketa pausuak. Datorren martxoak 8koa, greba internazionala izango da, eta antolaketan maila lokala, nazionala, internazionala ematen dira, kolektibo desberdin asko eta asko burubelarri lanean dabiltzala. Deialdi eta mobilizazioen errepasoa egin genuen ere Martxoak 8 honen magnitudea hobeto neurtzeko.

Martxoak 8ko Grebaren nondik norakoak azaleratzeko, weborria martxan jarri eta sare sozialetan ireki dituzte kontu batzuk (link 1) eta (link 2). Harremanetan jartzeko, weborriko formularioa edota helbide elektronikoa (m8grebafeminista@gmail.com) aurkituko dituzue. Badakizue beraz, hurrengo martxoaren 8an Euskal Herriko emakumeok* ere planto!

Deskargatzeko egin klik hemen.

2018-02-11 Barazki Bizidunak: Andeka Jurado, Armiarma Operazioa, Disidentzia Erakustaliden Kontrako Kanpaña Errepresiboa

Posted on Updated on

Gaurko saio honetan Andeka Jurado izango dugu gurekin, Armiarma Operazioan atxilotutako kideetako bat, bere esperientzia kontatzeko eta Plataforma Por la Absolución de los encausados en la Operación Araña plataformaren izenean (link1 eta link2).

Estatu Españolan pairatzen ari garen errepresioaren gorakada salatuko dugu, Delito de Odio eta Mozal Legea bezalakoen bitartez, beti ere militantzia politikoak eta disidentziak zigortzen dituzte-eta. Andekaz gain beste hainbat kidek ere pairatzen dutela errepresioa gogoratuko dugu eta egunotan burutuko diren protesta mobilizazioen errepaso laburra ere egingo dugu irratsaioan.

Etzazue galdu beraz gaurko saioa.

 

Deskargatzeko egin klik hemen.

2017-12-03 Barazki Bizidunak: Euskal Gatazka Armatuaren Analisi Feminista

Posted on Updated on

Saiorik egin barik astetxo batzuk pasatu ostean, osterabe gatoz bueltan saio barri eta fresku bategaz. Gaurkoan, Euskal Herrian jazotako konfliktu armatuari sakontasuna emongo deutzagu.

Geurera Zuriñe Rodriguez Lara gonbidatu dogu, gatazka armatuetan aditua eta militante feminista. Euskal Herriko talde armatuei buruzko ikerketa burutu ostean, bere konklusioek emakume militanteen bizipenen barri emongo deuskue, militantzia hau hobeto ulertzeko asmoagaz. Ekarpen interesgarriek, zalantza barik, Zuriñek dakartzanak.

Deskargatzeko egin klik hemen.