Asteko Barazki Salda

2017-03-12 Barazki Bizidunak – Zirika! Herri Gunea

Posted on Updated on

Zirika Herri Gunea izan genuen aztergai pasa den igandeko Barazki Bizidunak saioan. Bilboko Erronda kaleko 12. zenbakian aurkitu dezakegun lokal autogestionatu eta erbailera anitzekoa.

Espazio hau erabili nahi duten kolektibo eta proiektuei irekia da eta dozenaka ekintza garatzen dira bertan urtean zehar. Hitzaldiak, liburu aurkezpenak, proiekzioak, erakusketak, batzarrak, asanbleak, herri denda… eta liburutegi bat ere kudeatzen dute proiektu honetako kideek. Hainbat beharrizan identifikatu dituzte, bai baliabide aldetik zein lokala bera hobetzeko, eta horregatik, crowdfunding kanpaina hasi dute Goteo.cc/zirika webgunearen bitartez.

Guzti honetaz aritu ginen Zirikako Igor kidearekin batera egindako solasaldian, eta orain, hemen ere entzungai duzue, igandean galdu bazenuten.

Deskargatzeko egin klik hemen.

Advertisements

2017-03-05 Barazki Bizidunak – La Batalla de Chile

Posted on Updated on

Luchar!
Crear!
Poder Popular!!

Aldarri horrek zeharkatzen du La Batalla de Chile obra audiobisuala. 1972 eta 1973 urte bitartean Patricio Guzmánek zuzendutako lan erraldoia da, hiru ataleko dokumental sorta. Chilen grabatua eta Allenderen gobernuko azken urte horietan, paisaia sozialaren deskribapena egiten dauena, Herriaren Gobernuaren kronika, langileen antolakuntza, burgesia klasearen oldartzea eta militarrek gauzatutako estatu kolpea kontatuz, beti ere lekukoen ahoetatik.

Gaurko Barazki Bizidunak saioan dokumental honen gaineko tertulia egin dugu, klabeak errepasatuz eta gutako bakoitzaren inpresioak bilduz. Zalantza barik, ezinbesteko dokumental batetaz ari gara, aukera izan ezkero, ikusi beharrekoa.

Deskargatzeko egin klik hemen.

2017-02-12 Barazki Bizidunak – GALTZAGORRI, San Francisco, Bilbao La Vieja eta Zabala auzoetako Kolektibo Feminista

Posted on Updated on

Bilboko kolektibo batekin hitzegin dugu azken saioan, GALTZAGORRI, San Francisco, Bilbao La Vieja eta Zabala auzoetako Kolektibo Feminista.

Auzoetaz hitzegin digute, dibertsitate handiko guneak direla eta beharrizan batzuk identifikatzen dituztela. Haien kolektiboaz hitzegin dugu ere, azken urteotako hainbat momentu errepasatuz. Emakumeen Etxe bat eskuratzeko proiektua aurkeztu digute ere, kolektibo honek biziki aldarrikatzen duena.

Eta hau dena, tertulia atseginean, barre artean. Etzazue galdu saioa!

Deskargatzeko egin klik hemen.

2017-02-05 Barazki Bizidunak – TARAJAL Migrazioak eta mugak, Estatuen biolentzia eta inpunitatea

Posted on

2014ko otsailaren 6ko goizean, Ceutako Tarajal hondartzan, hainbat afrikarrek muga zeharkatzeko saiakera egin zuten, Marruekosetik Estatu españolean sartzeko asmoz. Mediterraneo kostaldeak, bi herrialde hauen arteko muga topatzen du Tarajal hondartzako espigoian; eta espigoia pasatzeko, itsasoan murgildu eta igeri eginez egin zuten saiakera.

Baina espigoiaren muturrean, Guardia Zibil ekipo batek, ekintza espontaneo hau modu biolentoan saiestu zuen. Gomazko balak eta gas lakrimogenoa bota zieten uretan zeuden emakume eta gizonei. Ostiaka jaso zituzten lehorrera heltzen zirenak. Gutxinez 15 pertsona hil zituzten ekintza honen ondorioz, baina inor ez da guzti honen arduradun gisa seinalatua izan, alderantziz, Guardia Zibilen kontrako kausa artxibatua izan zen eta ez zen arduradun politikoen dimisiorik gertatu.

3 urte pasa dira, eta oraindik ere zauriak zabalik daude. Aste honetan zehar hainbat ekintza antolatu dituzte Ongi Etorri Errefuxiatuak edo Sos Arrazakeria kolektiboek, besteak beste. Barazki Bizidunak saioan, Gipuzkoako Ongi Etorri Errefuxiatuak taldeko kide batekin hitzegin dugu, Tarajal kasua izan zenaz eta antolatutako ekintzen gainean. Bide batez, Bilbon antolatutako Elkarretaratze eta Manifestazioan parte hartzeko deia luzatu nahi dizuegu: Otsailak 6 astelehenean, 19:00etan izango da kontzentrazioa, eta jarraian hasiko da manifestazioa Moyuararte.

Deskargatzeko egin klik hemen.

2017-01-22 Barazki Bizidunak – Lucha Anticarcelaria, propuesta de lucha colectiva

Posted on Updated on

Saio honetan Tokata proiektu komunikatiboko kide batekin hitz egiteko aukera izan dugu, espetxeen kontrako mugimenduari buruz, eta azken hilabetetan garatzen ari diren dinamika batzuei buruz.

Zenbait preso sozialek sortutako eta sustatutako ekimena da, eta helburu eta aldarrikapenak, hainbat hedabidetan agertu zen artukulu honetan biltzen dira DESDE DENTRO: PROPUESTA DE LUCHA COLECTIVA PARA SER DIFUNDIDA Y DEBATIDA DENTRO Y FUERA

Kartzelei buruz hitzegingo dugu, protesta ekintzei buruz eta dinamika honen azken hilabeteetako garapenari buruz. Borroka honen ondorio errepresiboak aipatuko ditugu eta beharrak ere, kanpotik zer egin daitekeen preso sozial hauen borrokan.

Deskargatzeko egin klik hemen.

2017-01-15 Barazki Bizidunak: Beñat Irasuegi – Talaios, Olatukoop, KoopFabrika… Ekonomia Sozial Eraldatzailea

Posted on Updated on

Azken Barazki Bizidunak saio honetan, elkarrizketa bat egin dugu Beñat Irasuegi ekintzailearekin, Koop Fabrika aitzaki hartuta, eta Ekonomia Sozial Eraldatzailearen inguruan.

Gure Kabuz Ala Hil dokumentalak edo 2015ean Bilbon antolatutako Alternatiben Herria ekimen zabalak erakusten dute, besteak beste, Euskal Herrian gizartea eta ekonomia aldatzeko gogoz ekimen, proiektu eta kolektiboak egon, badaudela. Ekonomia Sozial Eraldatzailea terminoaren baitan kokatzen diren fenomeno sozial hauetaz aritu gara gaurkoan, kapitalismoak sortzen dituen gabezien aurrean eredu interesgarri bat jorratzen ari direnak.

Beraz, gaurko saioarekin, tresna baliagarri hauek ezagutzera emotea da asmoa, eta zuentzako ere erabilgarri izatea.

Deskargatzeko egin klik hemen.

2016-11-20 Barazki Bizidunak: Idoloak Hil

Posted on Updated on

Igande honetan Barazki Bizidunak saioan, idoloen eta idolatriaren fenomenoari heldu diogu. Ideia batzuk ekarri nahi izan ditugu gure artean konpartitzeko, gure hausnarketa xumeak besterik gabe, honen bitartez zuengan ere hausnarketa bultzatzeko asmoz, eta kritika gaitasuna indartzeko intentzioaz.

Idolatriak fenomeno sozial arriskutsuak dira. Norbanako eta taldeen potentzialitatea bideratzeko erabiltzen diren fenomeno sozial hauek, oso presente egon dira hainbat prozesu iraultzailetan. Liderraren idealizazioa, idolatria forma bat da ere, eta iraultza horiek aktibatzeko balio izan du momentu batzutan; baina baita desaktibatzeko ere. Azken finean, norbere gaitasunetan oinarritu ordez, beste batengan jartzen dira ardurak, eta horrek (edo horiek) esaten duena egiten da, pertsonalismoetan eta pasibitatean jausiz. Jasaten dugun sistema honek ere, horixe baliatzen du bere mesedetan.

Saio hau, pentsamendu kritikorako gonbitea da. Hainbat eta hainbat gai aipatu gabe edo sakondu gabe utzi ditugu oraingoan, baina zuok ere badaukazue aukera, gai honen gainean gehiago irakurri eta ikasteko. Izan zaitezte kritikoak!

Deskargatzeko egin klik hemen.

2016-10-30 Barazki Bizidunak: Nobel Sariak, zientzia eta inperialismoa

Posted on Updated on

Azkenean heldu da! Hemen dago Barazki Bizidunak tenporada berri batekin. Ziur gaude faltan bota gaituzuela askok eta guk ere aitortu behar dugu gogo itzela geneukala irratira itzultzeko. Opor luzeak hartu ditugu, bai, baina itzuli gara!

Sasoi barriari ekiteko, Nobel Sarien inguruko kritika bat proposatzen dizuegu. Saioan ez gara Bob Dylanen polemika antzuan geratuko. Nobel sariek modu zehatzean, eta gure zibilizazioko zientzia eredu nagusiak modu masiboago batetan, ideologia zehatz baten interesen mesederako erabiltzen direla, hori da saio honen tesia. Zientzia eredu honi kritika egiten diogu, eta zehatzera joanda, Nobel Sariek nola egiten duten horixe bera azaldu nahi izan dugu.

Ea ba, igandean entzun ez zenutenok orain baduzue interneten ere entzun eta elkarbanatzeko aukera, gozatu beraz Barazkion itzulerarekin!

Deskargatzeko egin klik hemen.

Barazki Bizidunak 2016-06-12 Irratien Inguruko Hausnarketa

Posted on Updated on

Irratiei buruzko hausnarketan murgildurik genbilela heldu jakun saioa egiteko ordue.

Gure auto-formazio lana aprobetxatuz, zergatik ez saio bat egin baturiko infoagaz? Pentsatu eta ekin, hemen dekozue gure ikerketen fruitua.

Irratien genealogia laburtzen saiatuko gara hasteko. Saioan zehar, irrati mota desberdinen definizioa, espazio radiofonikoaren legediaren azalpena eta irratiaren paper historikoari buruzko infoa ekarriko deutsuegu. Berben Orgia kritiko eta zorrotz batekin, Leirek saioa agurtuko dau.

Kontutan hartu beharreko webgunea hurrengokoa, irrati libreei buruzko infoa eskuratuteko:

Deskargatzeko egin klik hemen.

2016-05-29 Barazki Bizidunak: Ortuondok 4 urte!!

Posted on Updated on

Denborak aurrera darrai etengabe eta kupida barik. Ortuondo gaztetxea ez da salbuespena. Aurten 4 urtetxo iten dauz gure proiektu autogestionatuak. Gure asmoa, hainbat eta eragile gehiagoren partaidetza lortzea izan da; ta horregatik Irola ere nahi izan dogu berton egotea. Ane, David eta Arkaitzen eskutik, solasaldi ederraz gozatzeko aukera izan gendun. Zapatu musikatu honetan hainbat raba, kroketa eta tragutxuek hartu genduzan, Etxebizitza taldearen eskutik.

Gaurko saioa bazkalosteko tertuliaren antzeko formato baten ingo dogu, modu lasai batean eta eskaleta barik. Gaurko porrusaldatxoaren freskuraz gozatuko duzuelakoan, mosuek entzule!!

Deskargatzeko egin klik hemen.