ekarpenak

Hoka Hey! – Hego Uribeko Urriko Martxa (2018-10-21)

Posted on Updated on

Gaurko Hoka Hey saioan HEGO URIBEKO URRIKO MARTXA jorratuko dogu, Galdakaoko Gazte Asanbladako bi kiderekin egindako elkarrizketa baten bitartez.

Bizkaiko Hego Uribe eskualdeko Gazte Asanbladek elkarlanean garatutako dinamika da Urriko Martxa hau, datorren asteburuan, urriaren 26, 27 eta 28an, Zeberio, Arrankudiaga, Ugao eta Arrigorriaga zeharkatuko dauena. Egitarau oparoa proposatzen dabe egun hauetarako, eta elkarlan honen bitartez, asanbladen arteko saretze sendoa da bilatzen dan helburua.

Ekitaldi itinerante hau aitzaki hartuta, gure herriko gazteriaren egoera prekarizatuak eta Gazte Asanbladen ekarpenen inguruan hitzegin genuen ere bai, eta kolektibo sozialen eta subjetu iraultzaileen arteko saretzearen beharraz ere bai, honelako ekintzen bitartez garatzen dana.

Horretaz gain, irratsaioan artikulu honen irakurketa egiten dugu: INGURU ASANBLEARIOAREN DIAGNOSTIKO LABURRA (link)

Deskargatzeko egin klik hemen.

Advertisements

2016-03-07 Hitzaldi irekia Gaztetxean: NOKA Talde Feminista “Feminismoaren Beharraz”

Posted on Updated on

Galdakoko Momoak Emakumeen Taldeak hainbat ekintza antolatu dauz egunotan.

Taldearen aurkezpena, argazki erakusketa, kontzertuak eta martxoak 8ko manifestazioa izan dira antolatutako batzuk. Besteak beste, martxoak 7an hitzaldi ireki bat prestatu zuten “Feminismoaren Beharraz” izenpean, eta bertara Arratiako NOKA Talde Feministako kide dan Idoia etorri zen, beraien lan eredua eta jorratzen dabezen ekintzak azaltzera.

Ondoren Ortuondo Gaztetxera bertaratutakoen artean debatetxo bat sortu zen, feminismoaren baitan sortzen diren eztabaida ideologikoen inguruan, korriente honen ekarpenen inguruan, gizarte patriarkalean erreproduzitzen doguzen jokabideen inguruan, antolaketa eredu desberdinen artean…

Bi zatitan banatu dugu audio hau, erosoago entzun dezazuen.

Deskargatzeko egin klik hemen.