Loteria eta Kapitala

2016-06-26 Barazki Bizidunak: Geroarte!

Posted on Updated on

Udan sartu gara, eta Barazki Bizidunok denboraldiari agur esatea erabaki dogu. Agur denboraldiari esateak ‘Geroarte’ esan nahi du, zalantzarik gabe udaren ostean bueltan izango baikara monografiko eta porrusalda berriei ekiteko, erabat indarberriturik.

Aurten jorratutako gai eta programen errepaso bat egiteko erabili genuen urteko azken azken saio hau. Loteria eta Kapitalaren saioa, Konstituzioari buruz hitz egin genuena, Alpinismoari kritika egin genion saioa, Gurasotasuna eta Militantziaren arteko harreman konplikatua aztertu genuenekoa eta Transnazionalen fenomenoa azaldu genuen saioak aipatu genituen saioan.

Momentu on batzuk berreskuratu genituen beraz, etzazue galdu, eskerrik asko aurten hor egon izanagatik, eta laster arte!

Deskargatzeko egin klik hemen.

Advertisements

2016-01-10 Barazki Bizidunak: Loteria eta Kapitala

Posted on Updated on

f1a08-francois_dubois_002Gabonak pasa dira eta urte berriko lehen monografikoa gabonetako fenomeno tipiko bati eskaini nahi izan genion. Loterien kasua izan zen, Loteriaren eta Kapitalaren arteko harremana aztertzen saiatu ginen Soloan Sakontzen atalean. Loteriaren jatorria, Estatuarentzako suposatzen duen diru iturria, loteria sistema desigualdadeen legitimazio tresna moduan, edo nola Loteria sistemak zer nolako eragina dauka subkontziente kolektiboan landu genituen.

Honekin batera, Sarrera ederra prestatu zuen Jonek, Enekok Berben Orgia ere idatzi zuen eta Asteko Barazki Salda ere izan genuen Loteria eta Kapitalaren inguruko Barazki Bizidunak hau borobiltzeko.

Igandean entzuteko aukera izan ez bazenuen, hemen daukazue berriro ere, ea zer iruditzen.

Deskargatzeko egin klik hemen.